गजल-अनुराग कँडेल
आऊनुहोस् स्वागत छ काम गर्न रोक छ
सबै भेट्ने रमाइलो बेरोजगारी चोक छ
पाउँनेले त पाईहाल्यो नपाउँनेको रमिता
कतै हाँसो कतै फेरी नरमाइलो शोक छ
सबै भन्दा प्राण प्यारो हाल्नै पर्ने चारो त
काम छैन दाम छैन तर पनि भोक छ
झट्ट हेर्दा सबै खुसी मनको ब्यथा अदृश्य
मुहारमा हाँसो सबको मनमा धेरै थोक छ
कराउछ साहू उता यता आफ्नो काम छैन
धेरै पैसा तिरी आईयो मानैभरि झोक छ
अनुराग कँडेल
हाल पोर्तुगल
Thanks for your visit..!
