निर्देशक दिपक रायमाझीको निधन
काठमाण्डौ, कार्त्तिक २,
निर्देशक दीपक रायमाझीको निधन भएको छ । २३ बर्षअघि चलचित्र 'भाग्य रेखा' पहिलो पटक निर्देशन गरे यता हालसम्म सक्रिय रहेका रायमाझीको गए राति साढे १२ बजे हृदयघातका कारण मृत्यु भएको परिवार श्रोतले जनाएको छ । ह्दयघातले च्यापेपछी उनलाई गंगालाल अस्पताल भर्ना गरिएको थियो तर अस्पताल लगेको केही क्षणमै उनको निधन भएको बताईएको छ । सन् १९८० मा रुसबाट चलचित्र निर्देशनमा स्नाकोत्तर गरेका रायमाझी माया पिरतीको चलचित्र बनाउन बढी रुचाउने निर्देशक हुन । उनले 'युग देखि युग सम्म' कसम, प्रियसी, पराईघर, हाम्रो मिलन कहिले हुन्छ लगायतका दुई दर्जन बढी सिनेमा निर्देशन गरेका छन् । यस्तै उनीद्धारा निर्देशित तीन चलचित्र 'डेष्टीनेशन काठमाण्डू ', 'लभस्टोरी २०६६' र 'चाडै आऊ है' तयारिमा छ ।
हमानायक राजेश हमाललाई यिनै निर्देशकले चलचित्र 'युग देखि युगसम्म' बाट रजतपटमा टेकाएका हुन् । राजेश दिपकका भान्जा हुन् । रायमाझीको दुई छोरी र एक श्रीमती छन् । एक छोरी अमेरिककामै छिन भने अर्की नेपालमै छिन् । कान्छी छोरीको पनि आउदो मंसिरमा अमेरिका बस्ने राणा परिवारको युवकसंग विवाह कुरा फिक्स भएका थियो ।
मंगलबार बेलुकीसम्म स्वस्थ्य रहेका रायमाझीको आकस्मिक निधनले सम्पूर्ण चलचित्र उधोग अहिले शोकमग्न अवस्थामा छ । रायमाझीले अत्याधिक मात्रामा रक्सी सेवन गर्ने हुनाले उनको स्वास्थ्य अवस्था बिग्रदै गएको र निधनको प्रमुख कारण पनि रक्सीनै भएको चलचित्रकर्मीको भनाई छ । उनको पिता एवं पूर्वमन्त्री केशरजंग रायमाझीको पनि बृद्ध उमेरका कारण स्वास्थ्य स्थिती नाजुक छ ।
रायमाझीको शव अहिले पशुपति आर्यघाट पुर्याईएको छ । पशुपति आर्यघाटमा चलचित्रको उपस्थिति बाक्लिन थालेको छ । यस दुखद घडीमा सोकाकुल परिवारमा धैर्यधारण गर्ने शक्ति इश्वरले प्रदान गरुन् भन्दै दिवँगत आत्माको चिर शान्तिको कामना सहित फिल्मीखबर डटकम परिवार हार्दिक समवेदना प्रकट गर्दछ ।फिल्मीखबर
Thanks for your visit..!
