ठुला दलको कारण देशको अस्तित्व मेटिदै गएको राप्रपा नेपालका अध्यक्ष थापाको आरोप
एसबी गौतम
साउन २१ सिन्धुली। देशको अस्तित्व मेटिने सम्भावना बढेको सम्भावना बढेको राप्रपा नेपालका केन्द्रिय अध्यक्ष कमल थापाले बताउनु भएको छ । उहाँले जनआन्दोलनका उपलब्धी ठुला पार्टीका नेताहरुले पूरा गर्न नसकेको बताउनु भयो । 
अपराध र अपराधीलाई राजनीतिक दलहरुले नै संरक्षण दिएकाले देशमा दण्डहिनताले प्रश्रय पाएको पनि उहाँले बताउनु भयो । राप्रपा नेपाल सिन्धुलीकी अध्यक्ष विन्दा गिरीको अध्यक्षतामा भएको कार्यक्रममा केन्द्रिय अध्यक्ष थापाले नेपालीले नेपाली भएर गौरव गर्ने वातावरण नभएको बताउनु भएको छ ।
उहाँले देशमा भाषा जाती आदीका आधारमा नेपालीलाई कमजोर बनाउने काम भएको बताउनु भयो । एउटा सहसचिव स्तरको राजदूतले नेपालका प्रधानमन्त्री मन्त्रीहरुलाई उठबस गराउने गरेको आरोप समेत उहाँले लगाउनु भयो ।
भेलालाई राप्रपा नेपालका सहायक महामन्त्री सुशिलकुमार श्रेष्ठ राष्टिय प्रजातन्त्र विद्यार्थी संगठनका केन्द्रिय अध्यक्ष राजाराम बर्तौला धनुषा जिल्लाका सचिव रामनरेश यादव लगायतले सम्वोधन गर्नु भएको थियो ।
Thanks for your visit..!
